ဂုဏ်ယူပါသည် ဂမ်ဘာရီ၊ မြန်မာပြည်သူတွေက သင့်ကို ကြိုဆို ကောင်းချီးပေးပါသည်

မဲမှောင်ပြီး အဖိုးတန်တဲ့ ကျောက်ရိုင်းတုံးတစ်တုံး စကြဝဠာကနေ ကမ္ဘာမြေပေါ်ကျလာသလိုပဲ မစ္စတာဂမ်ဘာရီ တစ်ယောက် မြန်မာပြည်ကို ရောက်လာခဲ့ပြန်ပြီဗျ။
မြန်မာတွေ ကိုယ့်သမိုင်း ကိုယ်မရေးနိုင်တာတော့ မဟုတ်ဘူး။ ရေးနိုင်တယ်။ ဒါပေမယ့် ရေးနေတဲ့စာမျက်နှာကို အညစ် အကြေးရည်နဲ့လောင်းလိုက် ၊ မီးနဲ့တို့လိုက် လုပ်ပြီး ရေးတဲ့သူတွေ အနှောက်အယှက်ဖြစ်အောင် ရေးတဲ့စာတွေ အရာမထင်အောင် လုပ်နေသူတွေရှိလာတော့လည်း ကျုပ်ပြောတဲ့ မဟူရာရတနာရဲ့ အကူအညီ လိုလာပြန်တော့တယ်။ အညစ်အကြေးရည်လောင်း၊ မီးရှို့တဲ့သူတွေက သမိုင်းစာရွက်ပျက်အောင်တင် လုပ်တာ မဟုတ်ဘူး။ ကျုပ်တို့ရဲ့မဟူရာတုံးကြီးကိုပါ အညစ်အကြေးရည်နဲ့လှမ်းပက်၊ မီးနဲ့အပူတိုက် လုပ်လာကြတော့ တယ်။ အဲဒီတော့ မြန်မာ့မြေပေါ်ရောက်လာတဲ့ မှော်ဝင်မဟူရာတုံးကြီးမှာ အညစ်အကြေးတွေ တစ်ခါတစ်လေ ကပ်ပါလာတတ်သလို တစ်ခါတစ်လေ မီးပွားအစအနလေးတွေ ကပ်ပါလာလို့ ကျုပ်တို့ ပြည်သူတွေက သန့်ရှင်းရေး လုပ်ကြရပြန်တယ်။ ဒါလေးများ မပင်ပန်းပါဘူးဗျာ ဆိုပေမယ့် ကြာတော့လည်း တင်းလာတယ်။
ဟိုလူက လာကတည်းက ဒီလိုပါ၊ ဒါလုပ်ကြရအောင် ဆိုနေတာကို ဒီလိုမဟုတ်ဘူး၊ ဟိုလိုလုပ်ချင်တယ် လုပ်ပြန်တယ်။ အစကတော့ ကမ္ဘာ ကမ္ဘာ နဲ့ ပြောလိုက်ကြတာ၊ အဲဒီ သူတို့် ပြောတဲ့ ကမ္ဘာက ဖြစ်သင့်တာတွေ လုပ်သင့်တာတွေ ပြောလာပြန်တော့ မဟုတ်ပြန်ဘူးတဲ့ လုပ်ပြန်တယ်။ အော-- လက်စသတ်တော့ ဒင်းတို့က ဒင်းတို့ဖြစ်ချင်တာကိုပဲ ပြောစေချင်တာကိုး။ ဖြစ်သင့်တာကိုမှ လက်မခံချင်ပဲကိုး။ သိလိုက်ရပါပြီလေ။
မတန်မရာ ပစ္စည်းတစ်ခု ကောက်ရတဲ့သူလိုပါပဲ။ သူတောင်းစား ရွှေခွက်ကောက်ရသွားခဲ့သလိုမျိုးပေါ့။ တစ်ချို့က တင်စား တာကျတော့ အပေါစားဗိန္ဓောဆရာတဲ့။ NLD ဟာ ပြည်သူတွေ ၁၉၉၀ ဆိုရှယ်လစ်နှာစေး ရောဂါစွဲကပ်ချိန်မှာ အပေါစားဆေးမြီးတိုနဲ့ကုပေးနိုင်ခဲ့တဲ့ ဗိန္ဓောဆရာလို အချောင်နာမည်ရခဲ့တယ်။ အပေါစားဗိန္ဓော ဆရာလက်၊ သမီးမဆက်နိုင်သလို NLDဟာလည်း ပြည်သူကိုအုပ်ချုပ်ဖို့မတန်ကြောင်း ရိပ်စားမိတဲ့ တပ်မတော်ဟာ ရောဂါကိုအပြီးတိုင်ပျောက်ကင်းစေမယ့်၊ ပြည်သူအတွက် သင့်တော်ရာ ဆေးကောင်းဖြစ်တဲ့ “စစ်မှန်ပြီးစည်းကမ်း ပြည့်ဝတဲ့ ဒီမိုကရေစီ” ကို ရှာဖွေအပ်နှင်းပြီး ဆေးမြီးတိုသမားကို နားစေခဲ့တယ်။ လုံးဝကြီးနားစေခဲ့တာတော့လည်း ဟုတ်မထင်ဘူး။ ရောဂါသေးလေးတွေတော့ ကုသခွင့်ပေး သလိုမျိုး ထိုက်သင့်သလောက်တော့ ပါဝင်ခွင့်ပေးဖို့ပဲ။ ဒါကိုမှ မရောင့်ရဲနိုင်တော့လည်း ခွက်ဆွဲပြီး ထွက်စေဖို့ အဝေးကိုနှင်ရတော့ မှာပေါ့လေ။
တစ်ချို့အတွေးနဲ့ပြောရရင်တော့ ပိုင်ရှင်ရင်းဆီရွှေခွက်ပြန်အပ်လိုက်ရတဲ့ သူတောင်းစားလိုပဲ NLD ဟာလည်း အရပ်တကာ လှည့်လို့ ငိုကြီးချက်မနဲ့ ကယ်ပါယူပါ ပြောတာပေါ့လေ။ အစပိုင်းကတော့ ဟုတ်တုတ်တုတ်ဗျ၊ နည်းနည်းယုံကြတယ်။ နောက်တော့ သိလာကြပြီ။ ပိုင်ရှင်တစ်ယောက်မှာ ရှိသင့်တဲ့ အရည်အသွေးတွေ ဒင်းက မပြနိုင်တော့လည်း သူအားကိုးတဲ့ ကမ္ဘာကကို ပြောလာပြီ။ “ ရွှေတုံးတော့ ပြန်မတောင်းနဲ့တော့။ တောင်းလည်း မရနိုင်ဘူး၊ နင်နဲ့တန်တဲ့ မုန့်ဖိုးပဲဖိုးလောက်နဲ့ကျေနပ်တော့” တဲ့။
သူ့ကို အပေါစား ဗိန္ဓောဆရာအဖြစ်မြင်တဲ့ သူတစ်ချို့ကပြောတာကတော့ “ရောဂါကြီးကုဖို့ နင့်မှာ ပညာမရှိ၊ နောက်တစ်ခါ နှာစေးမည့် အချိန်ကိုသာစောင့်ပေတော့”တဲ့ဗျ။ ဟဲဟဲ ---ရယ်စရာကြီးဗျာ။ ပြည်သူတွေနှာစေး စေဖို့ ဆောင်းနှစ်ခါကျပါစေလို့ ဘုရားမှာ ဆောင့်ကြောင့်ထိုင် ဆုတောင်းနေမယ့် NLD CEC ကြီးတွေကို မြင်ယောင်ပြီး အူနှိပ်နေရတယ်။
ဂမ်ဘာရီလာတယ်ဗျာ။ (၅)ချက်ယူလာတယ်တဲ့။ ရွေးကောက်ပွဲကို အောင်မြင်ပြီးမြောက်စေဖို့ ဘာတွေကူညီ ရမလည်းတဲ့။ သန့်ရှင်းအောင် လုပ်ပေးမယ်တဲ့။ ပြဿနာမရှိဘူး။ သန့်ပြီးသားဆိုတာ သူမသိလို့ဖြစ်မှာပါ။ စီးပွားရေးကိစ္စ ကူညီမယ်တဲ့။ သိပ်ကောင်းပေါ့။ ပြည်သူတွေဝမ်းသာမှာလေ။ NLD နဲ့ မယ်မင်းကြီးမ ဝမ်းမသာ နိုင်တာတော့ နားမလည်ဘူး။ ကြည့်ရတာကတော့ ပြည်သူတွေ ချို့တဲ့ရင် အစိုးရကို ပြဿနာရှာလိမ့်မယ် ပေါ့လေ။ လုပ်ပုံက--လုပ်ပုံက။ သူနိုင်ငံရေးအသာစီးရစေဖို့ သန်းနဲ့ချီတဲ့ပြည်သူတွေကို ကျပ်တည်းစေတဲ့ စေတနာရှင်ကြီးပေါ့လေ။ ဒါလား-- Mandate ။ အဲဒါကြောင့် သူများတွေက အချောင်နာမည်ရသွားတဲ့ ဗိန္ဓောဆရာ ဆိုပြီး ပြောတာဖြစ်မယ်။ စေတနာမှမမှန်ရှာပဲကိုး။ သေချာတာက လေနာတာလောက်ပဲ ပျောက်မယ့် အပေါစားဆိုတာပဲ။
အားကစားသမားသာဖြစ်မယ်ဆိုရင်လည်း ပြိုင်ဘက်အနိုင်မရစေဖို့ ခြေထောက်ကုန်းကိုက်တဲ့ အမျိုးပဲဖြစ်မယ်။ ပြေးပါလား၊ ပြိုင်ပါလား။ အဲလိုမလုပ်ဘဲ ပန်းတိုင်ကိုအသာထား၊ သူများခါးကိုဆွဲထားဖို့ ကြံစည်သူတွေ၊ ဉာဏ်မမီသူတွေ ၊ ဒီလူတွေနဲ့ ပြည်သူ့အာဏာ မတန်ကြောင်း ကျုပ်တွေ့တယ်။ ကျန်သူတွေ တွေ့အောင်လည်း ပြရမယ်။
အော်- ဘာတဲ့။ သဘောထားကြီးစွာနဲ့ နိုင်ငံရေးအကျဉ်းသားတွေ လွှတ်ပေးဖို့ကို ပထမဆုံးတောင်းဆိုတယ်တဲ့။ ဟုတ်မှာ--ဟုတ်မှာ။ ကိုယ်လွတ်ဖို့ အရင်ဆုံးတောင်းဆိုတာကို သဘောထားကြီးတာလို့ နားလည်ပေးရမယ်တဲ့ လား။ ရပါတယ်ဗျ။ ရပါတယ်ဗျ။ လွတ်ပြီးရင်တော့ ကိုယ့်ပထွေးအိမ် ကိုယ်ပြန်ရမှာနော။ ဒီလောက်အတ္တကြီးတဲ့ ဟာကြီး ရာထူးနီးနီးတော့ မထားနိုင်ပေါင်။ ဟိုက်ရှားဘား---သူကပြောသေး၊ သူလွတ်မှပဲ စီးပွားရေးအကူအညီ ကိစ္စ စဉ်းစားပေးပါတဲ့။ Professional ပြန်ပေးသမားနဲ့တောင် တူနေပြီ။ အကျပ်ကိုင်တယ်ကျွမ်းပါလား။ ဓားစာခံက သန်းနဲ့ချီသောပြည်သူတွေပေါ့လေ။ ကမ္ဘာပေါ်မှာ ဘယ်ပြန်ပေးသမားမှ လူသန်းနဲ့ချီပြီး ဓားစာခံ မလုပ်ဖူးသေးဘူးဗျ။ Genius ပဲ၊ ဉာဏ်ကြီးရှင်မို့ လေးစားထိုက်ပါပေတယ်။
မဟူရာရတနာတုံးကြီး မစ္စတာဂမ်ဘာရီတော့ သဘောပေါက်သွားပြီ။ အညစ်အကြေးတွေကိုလည်း သူဆေးကြောနိုင်ပြီ။ အပူတိုက်တာတွေကိုလည်း သူရှောင်နိုင်ပြီ။ “ဂုဏ်ယူပါသည် ဂမ်ဘာရီ၊ မြန်မာပြည်သူ တွေက သင့်ကို ကြိုဆို ကောင်းချီးပေးပါသည်” ဒီလိုပဲပြောလိုက်ချင်တော့တယ်။ ကျုပ် --အောင်ဘုပါ။
(အောင်ဘု)