၂၀၁၀ မှာ အမှောင့်ပယောဂ မြွေတွေ ထွက်မလာရဖို့ ကျုပ်တို့တာဝန်

၂၀၁၀ မှာ အမှောင့်ပယောဂ မြွေတွေ ထွက်မလာရဖို့ ကျုပ်တို့တာဝန်
မြန်မာနိုင်ငံမှာ အကျဉ်းသားတွေ ခြောက်ထောင်ကျော် လွတ်ငြိမ်းသက်သာခွင့်ပြုလိုက်တယ်လို့ သတင်းတွေက ဖော်ပြပါတယ်။ ဝမ်းသာစရာပေါ့ဗျာ။ ဘယ်လောက်ပဲဆိုးခဲ့ဦးတော့ အခုလို နိုင်ငံတော်ရဲ့ ရှေ့ဆက်သွားမယ့်လမ်းခရီးမှာ တစ်တပ်တစ်အားပါဝင်ခွင့်ပြုလိုက်ပြီဆိုတော့၊ သူတို့လည်းဝမ်းသာ၊ သူတို့ဆွေမျိုးမိတ်သင်္ဂဟတွေလည်းဝမ်းသာ၊ အားလုံး OK ပေါ့ဗျာ။ ဘာများမကြေနပ်စရာရှိလို့တုံး။ တစ်ခုတော့ရှိတာပေါ့။ မတော်တဆ မှားခဲ့၊ မိုက်ခဲ့မိသူတွေ အဖို့ ပြုပြင်နိုင်မှာဖြစ်ပေမယ့် သိသိကြီးနဲ့ ပြဿနာရှာထားသူတွေကတော့ ပြင်နိုင်မပြင်နိုင် စောင့်ကြည့်ရဦးမှာပေါ့။
ဒီနေရာမှာ လွှတ်တဲ့ကိစ္စနဲ့ အရေးယူရမှုတွေ မရောမိဖို့တော့ လိုလိမ့်မယ်ထင်တယ်ဗျ။ ဒီနေ့နိုင်ငံတော်က စေတနာနဲ့ လွတ်ငြိမ်းသက်သာခွင့်ပြုပေမယ့် ဒါဟာ အဲဒီပုဂ္ဂိုလ်တွေနဲ့ပဲ သက်ဆိုင်တယ်။ လွှတ်နေဆဲ တန်းလန်းမှာပဲ ဥပဒေကျူးလွန်သူတွေ အတွက်တော့ ဖမ်းဆီးမှုတွေ၊ ရုံးတင်စစ်ဆေးရမှုတွေ၊ ပြစ်မှုထင်ရှားလို့ ထောင်သွင်းအကျဉ်းချရမှုတွေ ရှိနေနိုင်တာပါပဲ။ ဒီလိုပဲ လွှတ်တဲ့သူတွေထဲမှာလည်း ရွေးရသေးတာပေါ့ဗျာ။ အနှီပုဂ္ဂိုလ်သည် နိုင်ငံတော်ရဲ့စေတနာကို နားလည်မယ့်သူ၊ နိုင်ငံတော် ရှေ့ဆက်လျှောက်လှမ်းမယ့်ခရီးမှာ ပါဝင်ဆောင်ရွက်မယ့်သူ၊ ပြည်သူပြည်သားအပေါင်းရဲ့ အကျိုးစီးပွားကို မထိခိုက်စေမယ့်သူ ဒီလိုတော့ဖြစ်သင့်တာပေါ့လေ။ ဖြူဖြူ---မည်းမည်း၊ ကောင်းကောင်း----ဆိုးဆိုး၊ အကုန်လွှတ်လို့တော့လည်း မဖြစ်န်ိုင် သေးဘူးပေါ့။ မလွှတ်တော့လည်း မလွှတ်လို့၊ လွှတ်လိုက်တဲ့အထဲက တစ်ချို့က ပြဿနာရှာပြန်တော့လည်း လွှတ်ပြန်လို့။ ဒါမျိုးတွေကလည်း မကြာခဏကြားနေရပြန်တော့ စဉ်စားသင့်တာပဲလေ။
အကျဉ်းကျသူတွေကို ပြန်ကြည့်ရအောင်။ သူခိုးဆိုပါတော့။ နက္ခတ်အရ မခိုးမနေနိုင်လို့ခိုးတာရှိတယ်။(တစ်ချို့ဆိုရင် ကံအကြောင်းမလှလို့ လူစင်စစ်က အပြစ်သားဖြစ်ရတာ) တစ်ချို့ကျတော့လည်း ရုတ်တရက် စိတ်ဖောက်ရာကနေ ထိပ်ပေါက်ခေါင်းကွဲ နွှဲကြလို့ ထောင်ထဲရောက်ကြရတာ။ သူတို့မှာ နိုင်ငံကို ပျက်စီးပါစေတော့၊ ပြိုကွဲပါစေတော့ဆိုတဲ့ စေတနာဆိုး( တရားတော်မှာတော့ ဒေါသလို့ခေါ်မလားမသိ) လုံးဝမရှိဘူး။ နောက်လူ ဆင်ခြင်နိုင်အောင်သာ အပြစ်ချရတာ။ အနှစ်ကတော့ လွှတ်လည်းနိုင်ငံတော်အတွက်အား၊ မလွှတ်လည်း ဥပဒေအတွက် တံခါးပဲ။ သူတို့အတွက် နိုင်ငံတော်မှာ ဝန်ထုပ်ဝန်ပိုး မဖြစ်ဘူး။
နောက်တစ်မျိုးကတော့ ပြဿနာကောင်အုပ်စုပေါ့။ လူလည်းမသတ်ဘူး။ မထိုး မခုတ် မရိုက်ဘူး၊ လုပ်လောက်အောင် လည်း သတ္တိက မရှိဘူး။ ဒါပေမယ့် အပြင်မှာ ထမင်းရှာမစားတတ်တော့ ထောင်ထဲမှာ အလကားကျွေးတဲ့ ထမင်းစားရလည်း နည်းလားဆိုပြီး ထောင်မကြောက်ဇာတ်လမ်းခင်းကြတယ်။ ပြီးရင် နိုင်ငံရေးအကျဉ်းသားဆိုပြီး Quintana အပါအဝင် နှာခေါင်းရှည်တို့အားကိုယူ၊ ထောင်ထဲမှာ ထောင်မင်းသားလုပ်ဖို့ကြံကြတယ်။ အဲဒီ လူ့ဖလံ ခြေမွေးမီးမလောင် လက်မွေး မီးမလောင် ယောင်ချာချာ လူယုတ်မာကောင်တွေဟာ ၊ နိုင်ငံတော်ကို တစ်စစီဖြစ်အောင် လုပ်မယ့်ကောင်တွေဗျ။ ကံမလှလို့ လူသတ်ရ၊ စောရဘဝရောက်ရတဲ့ ပြည်သူပြည်သားတွေထက် ရွံစရာကောင်းဖို့ဗျား။ အဲဒီတော့ ရွံစရာကို ထောင်တွင်းမှာထား၊ ရိုးသားစွာမှားယွင်းမိခဲ့တဲ့ နိုင်ငံသားတို့ကို နိုင်ငံသစ်တည်တဲ့နေရာမှာ တစ်တပ်တစ်အား ပါဝင်စေခဲ့တာကို ကျုပ်တို့ကတော့ ဝမ်းပမ်းတစ်သာ လက်ခုတ်တီးလိုက်ရတာ၊ လက်တောင်နာပါပကောဗျို့။
ကဲ---- ဒါပေမယ့် နိုင်ငံတော်အစိုးရက ဒီလောက်လုပ်ပေးနေတာတောင် အကောင်းမဆိုနိုင်တဲ့ ကုလသမဂ္ဂဆိုင်ရာ ပြင်သစ်သံအမတ်နဲ့ ဗြိတိန်သံအမတ်ဆိုတဲ့ ငနာနှစ်ကောင်က ကြောင်တောင်တောင်လုပ်ပြီး ကျုပ်တို့အစိုးရရဲ့ စေတနာကို သဲနဲ့ပက်တဲ့အပေါက် ချိုးပြန်ပြီ။ ရာဟုထောင့်ကို မျက်နှာမူလို့ “ယုတ်ကန်းကြပါပေ့ကွယ်” လို့သာ အော်လိုက်ချင်တော့တယ်ဗျ။ ဒင်းတို့ဘာကိုလိုချင်နေတာလည်း မေးခွန်းရဲ့အဖြေကလည်း ခေါင်းထဲမှာ ရှင်းကနဲ ဖြစ်သွားတယ်။ ဒါပဲပေါ့။ သူတို့ တင်မယ့် ရွှေမင်းသမီး ကွင်းလုံးမကျွတ်သေးသရွေ့ ဒီလိုပဲ “ကြေနပ်ဖွယ်ရာ မရှိသေးဘူး၊ အကောင်အထည်မဖော်သေးဘူး” စသဖြင့် စသဖြင့် အောက်ကလိအာ ဝေဝေဆာဆာ လေတွေဖွာနေကြဦးမှာပဲ။ ကွင်းလုံး ဘယ်လိုကျွတ်မှာလည်း၊ ဘယ်တော့ကျွတ်မှာ လည်း လို့တော့ လာမမေးနဲ့။ ကျုပ်တော့မကြည့်ရဲဘူးဗျ။ နှာခေါင်းရှည်တွေပဲ သိကြမယ့်အဖြေလေ။ သူတို့ဆီမှာနေခဲ့တုံး ဘာတွေလုပ်ခဲ့၊ တိုင်ပင်ခဲ့လည်းဆိုတာမှ ကျုပ်မသိတာ။ ကျုပ်တင်မဟုတ်ပါဘူး။ ဒီတိုင်းပြည်က ယောင်ခြောက်ရာ ( ယောင်ချာမှု တွေက များလွန်းတော့ ယောင်ခြောက်ဆယ်အစား ယောင်ခြောက်ရာ ထားလိုက်ကြရအောင်) CEC ဆရာကြီးတွေရော သိကြလို့လား။ နှာခေါင်းရှည်တွေနဲ့ တိုးတိုး တိုးတိုး လုပ်တိုင်းရော CEC ကြီးတွေကို လူရာသွင်း အဖြေရှင်းခဲ့ဘူးလို့လား။ ဆုတကာဆုတွေလည်း CEC ကြီးတွေ လားလားမျှ မကပ်နိုင်၊ မင်းသမီးဆီကကျလာမယ့် ဒေါ်လာအစအနကလေးရကြဖို့ ခခယယ ပသနေလိုက်ကြရတာ။ မင်းသမီးမျက်လုံးထဲမှာလည်း CEC ကြီးတို့ကို အထင်ကြီးရိပ်က လုံးဝမရှိ။ အဖျက်ခံရမယ့် ငြမ်းဘဝမှာတောင် အများသုံးအိမ်သာရောက်မယ့် အခြေအနေဗျ။ အစည်းအဝေးတွေမှာ မင်းသမီးမျက်စိဟာ ရှေ့ကိုသာ ကြည့်နေတယ်။ အာရုံက ရာဟုထောင့်မှာရှိတဲ့ မြောက်အမေရိကနဲ့ ဥရောပကို ရောက်နေတာ အရှင်းကြီးဗျ၊ အတွင်းစည်းလည်း သေချာလေ့လာကြပါဦး CEC တို့ရေ။ မြန်မာဆို အထင်မကြီးတဲ့ ဟာကြီးကိုမှ ခင်ဗျားတို့ ပသနေမိပြီ။
ဒီလိုပဲ၊ နှာခေါင်းရှည်တွေကလည်း တစ်ပြည်လုံးက ထောင်တွေအားလုံးဖွင့်ပေးရင်တောင်မှ သူတို့ဟာ မလွတ်သမျှ အပြစ်ကျအောင်ပြောနေကြဦးမှာဗျ။ ထောင်တွေထဲပြွတ်သိပ်နေအောင်ထည့်ထားဦးတော့၊ မင်းသမီးသာလွတ်နေရင် “မဆိုးပါဘူးပြောလာနိုင်တယ်” တကယ်တော့လည်း ဒီလူရှုပ်တွေဟာ ၁၉ ရာစုကတဲက ဒီမြေကိုမျက်စိကျနေကြတာ။ အပြိုင် အဆိုင် လုလာကြတာ။ တည့်သလို မတည့်သလို ဟန်ပြရန်ဖြစ်ပြပြီးမှ တစ်ယောက်တစ်ခြမ်းခွဲယူခဲ့တာတွေလည်း မနည်းတော့ ဘူး။ သူတို့အတွက် ဒီကစားကွက်က ရိုးနေပြီ၊ ဒီက မနူးမနပ်တွေသာ ရူးမတတ်အပြေးအလွှားဖြစ်၊ အာခေါင်ခြစ်လို့အော်၊ တစ်ယောက်ပေါ်တစ်ယောက်တက်နင်း၊ ဒါကို မျက်လုံးစင်းကြည့်နေတဲ့ မြေခွေးကပြုံး၊ နောက်ဆုံးတော့ “ဝ”လုံး ဆိုတဲ့အဖြေက မြန်မာတို့အတွက်ပေါ့လေ။
ဒါက သူတို့တွက်ကိန်း၊ မြန်မာတွေက ဒီလောက်မပိန်းဘူး။ သူတို့နဲ့ မပြတ်ရင်ဆိုင်ခဲ့ရတဲ့ တပ်မတော်က ဒါကို သိတယ်။ ဒီတော့ သူတို့က တပ်မတော်နဲ့ပြည်သူ အကြား၊ အမုန်းပွားအောင်လုပ်၊ ရှင်းထုတ်ဖို့ကြိုးစားတော့တာပဲ။
ဒီတော့ လင်းကြရအောင်၊ နိုင်ငံတော်က ပြောတာရှင်းတယ်။ “ရိုးသားတဲ့နိုင်ငံသားတွေ အကျဉ်းကျခံစိတ်မျိုး ကာလကြာရှည်မခံစားရစေဖို့၊ နိုင်ငံတော်သစ်တည်ဆောက်ရေးမှာ တစ်ဖက်တစ်လမ်းက အထောက်အပံ့ဖြစ်စေမယ့် နိုင်ငံသား များ အဖြစ်ကိုပြောင်းလဲပေးနိုင်ဖို့နဲ့ နိုင်ငံတော်ရဲ့မေတ္တာနဲ့စေတနာကို နားလည်ကြပြီး မိမိအကျိုး၊ ဒေသအကျိုးနဲ့ ၂၀၁၀ ပြည့်နှစ်အတွင်းကျင်းပမယ့် တရားမျှတသောရွေးကောက်ပွဲတွေမှာ အများပြည်သူတို့နဲ့အတူ နိုင်ငံတော်အကျိုးကို ထမ်းရွက်သွား နိုင်ကြစေဖို့ ” တဲ့ဗျ။ ရှင်းလိုက်သမှ တပ်ထားတဲ့ မျက်မှန်တောင် လွှင့်ပစ်ချင်သွားလောက်တယ်ဗျား။ (၁) ရိုးသားတဲ့နိုင်ငံသား (၂) နိုင်ငံတော်သစ်တည်ဆောက်ရေးမှာ တစ်ဖက်တစ်လမ်းက အထောက်အပံ့ဖြစ်စေမယ့် နိုင်ငံသား (၃) နိုင်ငံတော်ရဲ့မေတ္တာနဲ့ စေတနာကို နားလည်ကြပြီး မိမိအကျိုး၊ ဒေသအကျိုးနဲ့ ၂၀၁၀ ပြည့်နှစ်အတွင်းကျင်းပမယ့် တရားမျှတသောရွေးကောက်ပွဲတွေ မှာ အများပြည်သူတို့နဲ့အတူ နိုင်ငံတော်အကျိုးကို ထမ်းရွက်သွားနိုင်မယ့်နိုင်ငံသား။
ဒီလိုလူတွေကို လွှတ်မှာ ၊ မြွေတစ်ကောင်မှ လွှတ်လို့်မဖြစ်ဘူး။ အဲဒီတော့ နှာခေါင်းရှည်တွေရော၊ နှာတို သူယုတ်တွေ ရောသိကြတော့ပေါ့။ ဒင်းတို့ လွတ်စေချင်တဲ့သူတွေဟာ အပေါ်က (၃)ချက်နဲ့ ညီသလား၊ ညီရင် ပြီးစေ၊ အိမ်မှာထိုင်နေလိုက်ကြ၊ အပေါက်ဝ ရောက်လာကြလိမ့်မယ်။ မညီရင်တော့ ဘန်ဘန်၊ ဂမ်ဂမ် ၊ လန်ဒန်၊ ကန် ၊ ဘာမှ နားမလည်၊ ၂၀၁၀ဟာ ကျုပ်တို့ ပြည်သူလက်ဝယ်မှာပဲ ရှိတာမို့။ အထဲကမြွေ အပြင်ထွက်မလာစေဖို့ ကျုပ်တို့ အင်အားကိုစု အပေါက်ဝ ဖင်ခုထိုင်ထားမယ်ဆိုတဲ့ အကြောင်း ထပ်လောင်းပြောလိုက်ပါရစေ။
(အောင်ဘု)