ဆင်----ခွေးမျှော်၊ နောက်တော်ပါး အစုတ်အပဲ့ များစွာနဲ့ -----အိုဘဲ့---ကင်တာနာ
ဟဲဟဲ--- သောမတ်အိုဟေးကင်တာနာ ဆိုတဲ့ မီးပွားကအနားရောက်နေတော့ ဗရုတ်သုက္ခတွေက ပုပ်ပွနေတဲ့ လောင်စာတွေကို ပြန်အသက်သွင်းဖို့ ကြံစည်လာပြန်တော့တယ်။ ကင်တာနာကြောင့်ပဲ ထောင်နံရံတွေဖွင့်ရတော့မလို၊ ရာဇဝတ်သားတို့ရဲ့ ကယ်တင်ရှင်ကြီးရောက်လာလို့ ငလျင်ကြီးပဲလှုပ်တော့မလို။ ဟားဟား--- အမှန်တော့ ကင်တာနာဟာ ဘာကောင်မှမဟုတ်ဘူး။ သူများအိမ်ပြူတင်းပေါက် လိုက်ချောင်းတဲ့ မနူးမနပ်ဆယ်ကျော်သက်ကလေးလို့ပဲ ကျုပ်တော့မြင်တယ်။ သူများအိမ်လိုက်ချောင်း၊ စား--စားပြန်ပြီ၊ သွားပြန်ပြီ၊ ထိုင်--ထိုင်ပြန်ပြီ၊ အိပ်--အိပ်ပြန်ပြီ၊ လျှောက်စွက်ဖက်မယ်၊ ဆရာလုပ်မယ်၊ ဒါပဲ။ တကယ်တော့ ကင်တာနာ ဟာ သူ့မိသားစုအပေါ်တောင် တာဝန်တွေကျေနိုင်ခဲ့ရဲ့လား မပြောနိုင်ဘူးဗျ။ အခုတော့ သူများနိုင်ငံလာပြီး ဆရာကြီးလုပ်နေလိုက်တာ။ထောင်ထဲရောက်နေတဲ့ ထောင်ကျနေတဲ့ ပုဂ္ဂိုလ်တွေကို “ကျေနပ်ရဲ့လား” လိုက်မေး၊ မကျေနပ်ဘူးလို့မပြောမချင်း တစ်မျိုးပြီးတစ်မျိုးပြောင်းပြီးမေး၊ မကျေနပ်ဘူး၊ အဆင်မပြေဘူး ဆိုတဲ့ အဖြေရမှပဲ နောက်တစ်ယောက်ဆီ ကူးလေတော့လည်း ဘယ်လိုလုပ် လွတ်တော့မှာလည်း။ ဒီလိုမျိုးမေးလို့ကတော့ အဖေနဲ့ သားတောင် ထ ရိုက်ကြရဖို့ပဲရှိတော့တယ်။ လူဆိုတာတော့ ကိုယ့်ဘာသာကိုယ် ချော်လဲတာတောင် မြေကြီးအပြစ်တင်တတ်ကြတဲ့ အမျိုးဆိုတာကို ကင်တာနာ မသိတာတော့ မဟုတ် လောက်ဘူး။ ကျုပ်တို့ ရပ်ကွက်ထဲက စကားလိုပြောရရင် “ခွေးဝမ်းသာအောင် လေလည်ပြရတဲ့ သဘောနေမှာပါ” ။ သူ့ခမျာလည်း မြန်မာပြည်က ပြန်လာရင် အနည်းဆုံး ခွေးသားရေပုရပိုဒ်တစ်ချပ်လောက်တော့ ပါမှ တည်မြဲမှာကိုးဗျ။ “မြန်မာပြည်ကပြန်လာတယ်။ ထောင်ကျအကျဉ်းသားတွေက အားလုံးပျော်ရွှင်ဝမ်းသာနေကြတယ်” ဆိုလို့က တော့ ကင်တာနာ အတွက် နောက်တစ်လ လစာထုတ်ဖို့ cheque က တာ့တာပြသွားမှာလေ။ သနားပါတယ် သူ့ခမျာ။ ကိုယ်ချင်းစာပေးရမှာပေါ့။ ဒါပေမယ့် အခွင့်ကောင်းတော့မယူနဲ့၊ တော်ရုံလုပ်၊ ပြဿနာရှာရင်တော့ dinner ထဲ သဲထည့် ကျွေးပစ်လိုက်မှာ။ မြန်မာ့ စိတ်ဗျ။ စော်ကားလာလို့ကတော့ ဘယ်နိုင်ငံသား ဘယ်အဖွဲ့ ဖြစ်စေ ကြည့်မှာမဟုတ်ဘူး။ လုပ်ပစ်လိုက်မှာ။ ကင်တာနာကြီးအမြင်ရှင်းနိုင် မနိုင်တွေးကြည့်တယ်၊ သိပ်မနိပ်ပါဘူးဗျာ။ ကဲ---တောဘက်ကရွာတစ်ရွာ ကင်တာနာရောက် သွားတယ်ဆိုပါစို့၊ မိုးလင်းလို့ ရွာသားတွေ ရွာပြင်ကို အုပ်စုလိုက် ခပ်သုတ်သုတ်ထွက်သွားကြမယ်ဗျာ။ ကင်တာနာကြီး ဘာတွေးမလဲ။ အစိုးရက ရွာသူရွာသားတွေကို ဖိစီးမှုတွေပေးထားလို့ ရွာသားတွေမှာ ပူပင်သောကတွေနဲ့ ပျာယီးပျာယာ ဖြစ်နေကြတယ်လို့တွေးမှာ။ သူ့ကိုသွေးထိုးထားတာတွေက ရှိနေမှာကိုး။ အမှန်တော့ ယင်လုံအိမ်သာ မဆောက်နိုင်ကြသေးလို့ တောထိုင်ဖို့ ပြေးကြတာပါ။ ကင်တာနာ့မှာ ဒါတွေကို နားလည်နိုင်လောက်တဲ့ အသိမရှိနိုင်ဘူးလေ။ နောက်တစ်ခု----ရွာဘုရားပွဲမှာ ပိုက်ဆံကြဲကြတော့ ရွာသားတွေက လုကြယက်ကြ လိုက်ကောက်ကြတယ်။ ကင်တာနာ ဘာတွေးမလဲ။ (၁) သူကြောက်သွားမယ်။ လူတွေက သူ့ကိုပါ တွန်းထိုးကောက်ကြမှာကိုး။ (၂) ဒီလောက်ပိုက်ဆံကလေးကိုတောင်မှ လုယက်ကောက်နေကြတယ်ဆိုတော့ မြန်မာနိုင်ငံမှာ အရမ်းကြီး ငတ်ပြတ်နေကြပြီ လို့သုံးသပ်မယ်။(၃) အစီရင်ခံစာမှာ မြန်မာနိုင်ငံမှာ လူတွေဟာ အကြမ်းဖက်ချင် လောက်အောင် ဒုက္ခရောက်နေပြီလို့ ရေးမယ်။ (၄) အတည်ပြုဖို့ တစ်ခြားလူတွေကို မေးမယ်။ အမေးခံရတဲ့လူတွေက ဟုတ်တယ်၊ ပွဲပျက်နေပြီလို့ဖြေမယ်။ ဒါက ကင်တာနာရဲ့ ကိစ္စ။ မြန်မာဘက်ကတွေးကြရအောင်၊ (၁) အလှူမှာကြဲတဲ့ ပိုက်ဆံဟာ သန့်ရှင်းမွန်မြတ်တဲ့ ပိုက်ဆံဖြစ်တယ်၊ လာဘ်ကောင်းတယ်။ ရလို့ဘုရားစင်မှာ တင်ထားရင် နောက်ထပ် ဝင်လာမစဲ တစ်သဲသဲ ဖြစ်မယ်။ ဒါကြောင့် ကင်တာနာမကလို့ ကင်တာနာ့ အဖေလည်းမရှောင်နိုင်ဘူး၊ ကိုယ်ဦးအောင်ရဖို့အတွက် ကိုင်ထုတ်ပစ်လိုက်မယ်၊ ဒီလိုတွေးတယ်။ (၂)အလှူပိုက်ဆံ ဟာ အရေအတွက် အဓိကမဟုတ်ဘူး။ အနိမ့်ဆုံးအကြွေကအစ ဘာရရ ရဖို့သာအဓိကဖြစ်တယ် (၃)ဘုရားမှာကြဲတဲ့ ပိုက်ဆံကောက်ရင်း ကွဲပြဲသွားစေဦးတော့ တစ်ယောက်တစ်ယောက် အပြုံးမပျက် ခေါ်နိုင်ပြောနိုင်တယ်၊ အကြမ်းဖက်မှုလို့ လုံးဝ မသတ်မှတ်ဘူး။ (၄)ကင်တာနာ မေးမယ့်လူတွေက အစိုးရကို မလိုမုန်းထားသူတွေမို့၊ ကြက်ဖကြီးနေမကောင်းလို့ တွန်သံ နည်းနည်းနောက်ကျတာတောင် အစိုးရကို အပြစ်ဖို့တတ်တဲ့သူတွေမို့ ကင်တာနာရဲ့ ဝေဒနာကို မီးထိုးပေးပြီး ရွဲ့စောင်းနေတဲ့ အစီရင်ခံစာကြီးကို ပေါလစ်(polish)တင်ပေးကြမယ်။
ကဲ-- နောက်တစ်မျိုးကြည့်ရအောင်။ ရွာမှာ ရပ်ကွက်ထဲမှာ သန့်ရှင်းရေးလုပ်ကြတယ်။ ခုတ်ကြထွင်ကြ လှဲကြကျင်းကြနဲ့ပေါ့။ တစ်ချို့ပျင်းတဲ့ကောင်တွေက ဝေးရာချောင်မှာ ရှောင်နေပြီး မှောင်သလေး စောသလေး၊ လက်ကလေးပေါ် မေးထမ်းလို့ လုပ်ငန်းကို ကဲ့ရဲ့ ရှုတ်ချမယ်။ ရေကန်တူးကြတယ်၊ ရေအဆင်ပြေပြီးသားတစ်ချို့က မလုပ်ချင်။ လူရှင်းရာအရပ် မြေမှာကျောကပ်လို့ လုပ်ငန်းကို ကဲ့ရဲ့ ရှုတ်ချမယ်။ ဒီလိုကိစ္စတွေမှာ ပြန်ကြည့်ရမှာက အကျိုးရှိသူက ဘယ်လောက် ပျင်းရိသူက ဘယ်လောက် ဆိုတာပေါ့။ လိုအပ်ရင်တော့ ကုတ်(ဂုတ်)ကဆွဲပြီး လုပ်ခိုင်းရမှာပဲ။ ဒီလိုနေရာမျိုးကို ကင်တာနာကြီးရောက်လာပြီဆိုပါတော့။ သူက လုပ်သူတွေဆီ သွားမှာ မဟုတ်ဘူး။ ရှုံ့တွ ကုတ်ကွ အပုပ်ချသမားတွေ ဆီကိုသွားပြီး လုပ်အားခရသလား၊ ဆန္ဒရှိလို့လုပ်တာ လား၊ အတင်းအဓမ္မခိုင်းတာလား မေးမယ်။ ကဲ--- အဖြေဘာရမလည်း၊ ကြိုသာရေးချလိုက်တော့၊ ခရီးမသွားနဲ့၊ စရိတ်ကုန်တယ်။အဲဒါပဲ။ ဒီလိုဥပမာတွေများစွာရှိနိုင်တယ်။ ဒါကိုကြည့်ရင် ဘယ်လိုလုပ် ဒီပုဂ္ဂိုလ်က မြန်မာနိုင်ငံအကြောင်း မှန်မှန် ကန်ကန်တင်ပြနိုင်မှာလည်းဆိုတာ သံသယပွားစရာတွေ တစ်ပုံတစ်ပင်။ သူက ဒီနိုင်ငံအကြောင်း ဘယ်တုံးက ဘယ်လောက် သိခဲ့လို့တုံး။ အချက်အလက်တွေရဖို့ မြန်မာတွေကိုပဲ မေးတာပါ လို့ ပြောရအောင် သူမေးတဲ့သူတွေက ဘယ်သူတွေတုံး။ အဲဒီတော့ ကျုပ်ကတော့ ပြောလိုက်ချင်တယ်။ “ ဒါလိမ်ဆင်ကြီး”ဗျ။ ဒီလိုပဲ။ ထောင်ကျတဲ့သူတွေက ထိမ်းသိမ်းသူတွေကို အကောင်းပြောနေမှတော့ ထောင်မှာ တံခါးတပ်စရာတောင် လိုတော့မှာမဟုတ်ဘူး။ ပြဿနာတစ်ခုဖြစ်တာနဲ့ တရားခံက “သူမှားပါတယ်” ဆိုပြီး ထောင်ထဲကို အသာကလေး ဝင်ထိုင်၊ နှစ်ပြည့်ပြီ ဆိုမှ ပြန်ထွက်လာခဲ့။ တရားသူကြီးတွေကလည်း တရားရုံးထိုင်စရာ မလိုပဲ အိမ်တွေမှာ ရေနွေးကြမ်းသောက်ရင်း တရားခံကို “မောင်မင်းကတော့ ထောင်ထဲမှာ ၅ နှစ်သွားနေ၊ ၁၀ နှစ်သွားနေ၊ အိမ်ကိုလည်း ခဏခဏ ပြန်မလာနဲ့ဦး ” စသဖြင့် ထန်းလျက်ခဲကိုက်ရင်း ဆုံးဖြတ်။ အားလုံး OK ပဲဗျာ။ အချုပ်ကားတွေကို Taxi ဆွဲ၊ ရဲ က ပွဲထဲမှာ လူပြက်လုပ်၊ ရှေ့နေအုပ်စုက တရားရှုလို့ ဘာဝနာပွား၊ တရားသူကြီးက ခေါင်းပေါင်းကြီးနဲ့ “မီးဘေးရှောင် မလောင်ခင်တား” သီချင်းကိုညည်း၊ ကဲ---ပြီးပြီ--ကောင်းလိုက်လေဗျာ၊ ဒါတောင်လွတ်ပါ့မလား မသေချာ။ အစိုးရလုပ်လို့ လူတွေ ရူးကုန်ပါပြီ ဆိုပြီး စွပ်စွဲမလား တွေးရသေး။ ကင်တာနာကြီးတို့ တိုင်းပြည်မှာရော ဒါမျိုး လုပ်နိုင်ပြီလား လို့လည်း မေးကြည့်ချင်တယ်။ ဘာဖြေဖြေ ကျုပ်ကတော့ မှန်မယ်လို့ မထင်ပေါင်။ အမေရိကန်ခိုင်းတိုင်းလိုက်လုပ်နေရတဲ့ပုဂ္ဂိုလ်တွေမဟုတ်လား။ ကျူးဘားပင်လယ်အော်က ဂွာတာနာမို အကျဉ်းစခန်းကိုတော့လူ့အခွင့်အရေးကိုယ်စားလှယ်ကြီးတွေ လာကြည့်ဖို့ ဖိတ်မယ်မထင်ဘူးဗျ။ ဒါကျတော့ သူ့နိုင်ငံလုံခြုံရေး တဲ့၊ မြန်မာနိုင်ငံလုံခြုံရေး၊ အချုပ်အခြာအာဏာတည်တံ့ရေးအတွက် မြန်မာအစိုးရကလုပ်တာကိုကျတော့၊ လူ့အခွင့်အရေးနဲ့ မညီဘူး-----တဲ့ဗျ။ နိပ်ဟ။ ကဲပါကင်တာနာကြီးရေ၊ မယောင်ရာ လာဆနွင်းလူးမနေနဲ့၊ ရွာက စကားပုံနဲ့ ပြောရရင်တော့ “ဆင့်ဟိုဟာ အနာ လုပ်မနေနဲ့”လို့ပြောရမှာပေါ့။ အဲဒီဟာက နဂိုကတည်းက ဒီအတိုင်းပဲဟ ကင်တာနာကြီးရ။ အချိန်ကုန်တယ်။ မြန်မြန်သာပြန်၊ နင်လည်းပြောချင်ရာပြော၊ မြန်မာတွေကလည်း မြန်မာ့ထုံးစံအတိုင်းသွားမှာပဲ။ မြန်မာတွေ အကြောင်းသိဖို့ ဒီတစ်ခေါက်အပြန် ၊ စာအံသံ ကက်ဆက်နဲ့ဖမ်း၊ သူငယ်တန်းဖတ်စာကိုခါးကြားထိုး၊ ခပ်ရိုးရိုးလေးပဲ အားခဲကြည့်လိုက်၊ မမိုက်နဲ့တော့ ကင်တာနာ။ ထို့အတူပဲ မြန်မာပြည်ထဲက “ဆင်---ခွေးမျှော်” အဖွဲ့တွေကလည်း ကင်တာနာကြီးကိုမော့မနေနဲ့၊ ဆော့စရာရှားလို့ ဒါကြီးက လည်း ဒါမျိုးပဲ၊ ထူးစရာမရှိ သိဖို့ကောင်းနေပြီ။ ကဲ---- အရပ်ကတို့ရေ။ ကင်တာနာမပါတဲ့ ၂၀၁၀ ၊ စောင့်နေမယ်ဆိုတာ အသေအချာကြီးပါ။(အောင်ဘု)