ထို့ကြောင့် ဤအရာကို “လာဘ်”ဟု ခေါ်သည်

မြန်မာနိုင်ငံမှာ မြန်မာ့နည်းမြန်မာ့ဟန်နဲ့ နိုင်ငံတော်ရှေ့ဆက်သွားရမယ့် မူဝါဒလမ်းစဉ်(၇)ရပ်ကို အကောင်အထည်ဖော်နေတာ တော်တော်လေးခရီးပေါက်ပြီဗျ။ သိတဲ့အတိုင်း ဆရာကြီးများက သူတို့ ဆန္ဒအတိုင်းဖြစ်မလာတော့ ညစ်ဖွာဖွာလုပ်လာကြတယ်။ ကျုပ်တို့အရပ်ထဲမှာ မှန်မှန်ကန်ကန် လုပ်ကိုင်စားသောက်တဲ့ သာမန်ပုဂ္ဂိုလ်နဲ့ ဒုစရိုက်သမား သူဌေး ရန်ဖြစ်ကြသလိုပေါ့ဗျာ။ သူဌေးက သူနဲ့ မတည့်တဲ့ပုဂ္ဂိုလ် စီးပွားပျက်အောင် အမျိုးမျိုးညစ်တာ။ ဟိုလူရောင်းတဲ့ပစ္စည်းဆိုရောင်းမရအောင် သူများတွေကို အလကားလိုက်ပေးလားပေးရဲ့၊ ကုန်ကြမ်းပြတ်အောင် မရနိုင်အောင် ပိတ်ဆို့လားဆို့ရဲ့၊ ကုန်ကြမ်းနဲ့ ကုန်ချောသယ်မရအောင် လမ်းကိုပိတ်လားပိတ်ရဲ့၊ သူ့ဟာဝယ်ရင် ငါနဲ့ မခေါ်နဲ့ ဆိုပြီး လုပ်လားလုပ်ရဲ့၊ ဒီလိုမျိုး နည်းမျိုးစုံညစ်တာဗျ။
သာမန်ပုဂ္ဂိုလ်( ဦးဖြိုး လို့ပဲ မှတ်လိုက်ကြရအောင်) ရဲ့ အားသာချက်က သူ့ပစ္စည်းတွေကို စေတနာထားပြီး လုပ်တယ်။ ကိုယ်ချင်းစာတရားရှေ့ထားပြီး ဆက်ဆံတယ်။ လူကိုလူလိုမြင်တယ်။ ရပ်ကွက်သားတွေနဲ့ စရိုက်တူတော့ အတွေးတူတယ်။ အဆင်ပြေတယ်။ အဲဒီတော့ ရပ်ကွက်ထဲကတစ်ခြားပုဂ္ဂိုလ်တွေက သူဌေးဆိုတဲ့လူ မငြိုငြင်အောင် သူ့ရှေ့မှာတော့ ခေါင်းငြိမ့်ပြ ပေမယ့် နောက်ကွယ်မှာကျတော့ ဦးဖြိုး နဲ့ ဆက်သွယ်ရောင်းဝယ်ကြတယ်။ နှစ်ဦးအကျိုးစီးပွားကိုးဗျ။ နှစ်ဘက်စလုံးအကျိုး ဖြစ်ကြတယ်။ သူဌေးဆိုတဲ့သူဆီကမရနိုင်တဲ့ ရိုးသားဖြူစင်မှုမျိုးကို ဦးဖြိုး ဆီကရတယ်။ ဦးဖြိုးနဲ့ ဆက်ဆံလို့ အလိမ်အနှပ်ခံရ စရာမရှိဘူး။ သဘောကောင်းတော့ ပိုပိုသာသာတောင် ရချင်ရဦးမယ်။ ဦးဖြိုးကို ဘာမှ မရိုးမသားညှိနှိုင်းစရာမလိုဘူး။ ရိုးသားလို့ကို ဆက်ဆံကြတာမဟုတ်လား။
ဒီလိုပဲပေါ့ဗျာ။ နိုင်ငံတော်က စီးပွားရေးစီမံကိန်းတွေကို ဆရာကြီးတို့ရဲ့ ပိတ်လေးပိတ်အောက်မှာပဲ အောင်မြင်အောင်ဆောင်ရွက် နိုင်ခဲ့တယ်။ သူတို့ရဲ့ မြန်မာနိုင်ငံပြိုပျက်ရေး အချိန်ဇယားဟာ ရေစုန်မျောခဲ့ပြီ။ ဆရာကြီးတို့ မျက်နှာပျက်လို့ strategy တွေ ပြန်သုံးသပ်နေရပြီ။ ဘာတွေမှားကုန်ပါလိမ့်ဆိုပြိး တစ်ယောက်မျက်နှာတစ်ယောက်ကြည့် အောက်ကလိအာတွေ ဆိုကုန်ကြရပြီ။ နင့်ကြောင့် ငါ့ကြောင့် လက်ညှိုးကလေးတွေ မရဲတစ်ရဲထိုးကုန်ကြပြီ။ ဆရာကြီးတို့ရဲ့ခေတ်မီဆန်းပြားလှသော သုတေသနတွေ မြောင်းထဲရောက်သွားတာများ ကြည့်လှဗျား။ အမွေးဖြူဆိုအထင်ကြီးပြီးသားဆိုတဲ့အဖွဲ့တွေ အခုတော့ ငုတ်တုတ်။ သူ့သံသရာ ထဲမှာ သူ နစ်မြုပ်ကုန်ကြပြီ။ တောင်မင်း---- မြောက်မင်းမကယ်နိုင်ဆိုသလိုပေါ့။ ဒီအချိန်မှာ ကိုရီးယား အပါအဝင် ကျုပ်တို့မိတ်ဆွေနိုင်ငံတွေအဖို့တော့ ဘာပြဿနာမှ မရှိ အားလုံးကွက်တိပဲ။
ကံဆိုတာ မှန်ရာလုပ်တဲ့သူတွေအတွက် အကွက်ကောင်းအသင့်စောင့်နေတာမို့ ကျုပ်တို့ အစိုးရလက်ထက် ကျမှပဲ ကမ္ဘာမြေကြီးထဲကဓာတ်ငွေ့များကလည်း အလျှံပယ်၊ ရတနာတွေကလည်းဘယ်နေရာမှာမှ မရှား၊ ဘယ်သူ့ သနားညှာတာမှုမှမလိုဘဲ အောင်အောင်မြင်မြင်ဆောင်ရွက်နိုင်ခဲ့တာ ကြည့်ကောင်းလှဗျား။ ပိတ်လေးပိတ်လည်းမှုစရာမလို၊ မြန်မာတို့ရဲ့ သဒ္ဓါပိုမှုစေတနာအရင်းခံကြောင့် အတွင်းခံမပါရင်လည်း နေပလေ့စေ၊ လေအလျင်နဲ့ သုတ်ခြေတင် စာရင်းဝင်အောင်လုပ်ကြစို့ ဆိုတဲ့ ကုမ္ပဏီအဖွဲ့တွေက ဒလဟောမို့ ပိတ်ဆို့မှုကြီး ရေစုန်မျောရတာ လွမ်းစရာဖြစ်ခဲ့ပြီ။
ဒါနဲ့ပဲ အစီအစဉ်တစ်မျိုးတိုး ဘင်္ဂလားဒေ့ရ်ှကုလားဆိုးကိုသွေးထိုးလို့ ရခိုင်ကမ်းလွန်သဘာဝဓာတ်ငွေ့တွင်းကို မင်းတို့အပိုင်ရသင့်တယ်၊ ဘင်္ဂလားဒေ့ရ်ှနိုင်ငံရဲ့ ကမ်းလွန်ပင်လယ်လုံခြုံရေး စိတ်အေးအောင်စောင့်ရှောက်မယ် ဆိုပြီး နောက်ကွယ်က ခြောက်တာကတစ်မျိုးလုပ်လာပြန်တော့ အောင်ဘုတို့အာရုံက ၁၈၂၀ ခုနှစ်ကျော် ကာလ ပြန်ရောက်ရပြန်တယ်။ အာသံမဏိပူရ အရေးကိစ္စတုံးကလည်း ဒီလိုပဲစခဲ့ကြတာမဟုတ်လား။ စန္ဒရကန္တရှိန်ကို မြှောက်ပင့်ပေးလို့ ပထမ အင်္ဂလိပ်-မြန်မာစစ်ပွဲကို ဆင်နွှဲခဲ့ကြတာလေ။ အခုလည်း ဒီယုံမြင်လို့ ဒီခြုံထွင်တာကို သိတဲ့ ကျုပ်တို့အစိုးရက ဘင်္ဂါလီတွေလှုပ်မရအောင် လုပ်ပြလိုက်လေတော့ ငုပ်စတုံးရပြန်တဲ့ ဒင်းတို့အကြံ မဟန်ဘူးဖြစ်ရပြန်တယ်။
ဟော --တစ်ခါလာလည်း မည်းပြာပုဆိုး မရိုးနိုင်ပုံက သူတို့မဝတ်သာတဲ့ မြန်မာ့ရတနာကို ကမ္ဘာက ရှောင်ကြဖို့ဆိုပြီး ရှက်စရာ စကားလုံး သုံးလာကြပြန်တယ်။ ဒီမှာတင် သူတို့ပြောပြောနေတဲ့ Globalization က ဆရာကို ပြန်ချတော့တယ်။ ကမ္ဘာ့ရွာမှာ မြန်မာ့ရတနာရယ်လို့ ခွဲခြားလို့မရ၊ မြန်မာ့ရတနာသည် မြေပေါ်ရောက်ပြီးခဏ မြန်မာထွက် သဘာဝကမ္ဘာ့ရတနာ ဖြစ်တော့သည် ဆိုတဲ့ အတွေးတွေအောက်၊ ကလေးသူငယ်ပမာရှက်စရာဖြစ်လောက်အောင် ပြောင်မြောက်စွာ ကမ္ဘာ့လူထုက တုံ့ပြန်လိုက်ကြပြန်တော့ တယ်။ အခြေမမှန်တဲ့ သတင်းတွေနဲ့ တည်ဆောက်ထားတဲ့ မူဝါဒတိုက်အိမ်ပေမို့ လေတိုက်ချိန် တစ်စစီ မွကြေခဲ့ရ တော့တာ သဘာဝကျလိုက်လေခြင်းပဲဗျို့။
ကဲ---အခုလည်း အကြံကုန်ဂဠုန်ဆားချက် ဦးနှောက်ပျက် သွေးရူးသွေးတန်းတွေက နောက်ဆုံးပေါ်ဟာသ ထုတ်ပြလိုက်ပြန်ပြီ။ ကိုရီးယားကုမ္ပဏီတွေက လာဘ်ထိုးကောင်းလို့ ကန်ထရိုက်တွေ ရနေကြတယ်ဆိုပဲ။ ကျုပ်မှတ်မိသလောက် ကိုရီးယားနဲ့ ကျုပ်တို့နိုင်ငံဟာ ကင်းတားဆည်ကြီးတည်ဆောက်ချိန်ကာလကတည်းက ပေါင်းသင်းလာကြတာဗျ။ မိတ်ဆွေရင်းတွေပဲ ဆိုပါတော့။ ကိုရီးယား နည်းပညာရဲ့ အသီးအပွင့်ကို ကျုပ်တို့လည်း ဝေမျှစားနိုင်ခဲ့ပြီ။ ရေနံတွင်း၊ စက်မှုလုပ်ငန်း စတဲ့ ကဏ္ဍတွေမှာ Hyundai, Samsung, LG, Gold Star, Daewoo, ဆိုတဲ့ ကုမ္ပဏီတွေက နည်းပညာတွေဟာ မြန်မာနိုင်ငံအနှံ့ မဆန့်နိုင် လောက်အောင် တစ်ပုံ တစ်ပင်၊ ဒါတင်မကသေးဘူး၊ ကိုရီးယား Fashion ကိုရီးယား Style နဲ့ မြန်မာကလေးငယ်တွေကလည်း ယဉ်ကျေးမှုချင်း ဖလှယ်မှုရဲ့ အနုသရုပ်သကန်ကို ပြနေကြတယ်။ ကျုပ်တို့အများကြီးရင်းနှီးခဲ့ပြီ၊ စိတ်ပုပ်စိတ်ယုတ် မရှိသော၊ ဉာဏ်နီဉာဏ်နက် ဉာဏ်ရောင်စုံမရှိ ရိုးသားမှုအတိပြီးသော မိတ်ဆွေကောင်းအဖြစ် သတ်မှတ်နိုင်ခဲ့ပြီ။ အနောက်ကမ္ဘာရဲ့ နည်းပညာပိတ်ဆို့မှုကာလ ကိုရီးယားနည်းပညာတို့က နေရာကျစေခဲ့ပြီ။ သို့သော် စီးပွားရေးဆိုမှတော့ သူလည်းအကျိုးရှိ ကိုယ်လည်းအကျိုးရှိ၊ မျှတစွာ ဆောင်ရွက်ကြမည်ပေါ့။
တစ်ခုတော့ရှိတယ်။ ကျုပ်တို့ အရှေ့တိုင်းမှာ ဆွေမျိုးမိတ်သင်္ဂဟတွေ တွေ့ကြရင် လက်ဗလာနဲ့တော့ မဝင်ကြဘူးဗျ။ အနောက်တိုင်းသား လူရိုင်းများလို ဆိုင်မှာ အတူသွားစားကြတာတောင် ကိုယ့်စားတာကိုယ်ရှင်း စနစ် ဒီနိုင်ငံမှာ မဖြစ်ခဲ့ဖူးဘူး။ ကုန်ကျသမျှကို အလုအယက်ရှင်းလိုက်ကြရမှ အသက်ရှူဝကြတာအမှန်။ ဒီတော့ ကိုရီးယားသားတွေက သူ့နိုင်ငံကပြန်အလာ၊ မြန်မာမိတ်ဆွေများကို ပါးပါးလျားလျား လက်ဆောင်များလည်း ပေးတာမျိုးရှိနိုင်တာပေါ့။ မြန်မာများကလည်း ကိုရီးယားနိုင်ငံကို သွားကြတဲ့အခါ လာဘ်သဘောမထားတဲ့ လက်ဆောင်များ ပါသွားနိုင်တာပေါ့။ မိတ်ဆွေလို့ မသတ်မှတ်နိုင်တဲ့ အနောက်အရပ်က မဟုတ်မဟတ်တွေ အတွက်တော့ စေတနာမရှိလို့ ဗလာချည့် သက်သက်ပေါ့။ ဒါပဲ။ ပြတ်တယ်။
အဲဒီတော့ ကိုရီးယားမိတ်ဆွေတို့ရော၊ ကျုပ်တို့မြန်မာမိတ်ဆွေများရော၊ အယုတ်တမာ စုတ်ဖွာဖွာကောင်တွေ ရော သိစေချင်တာက ကျုပ်တို့အရပ်နဲ့ ကျုပ်တို့ဇာတ် ၊ ဇာတ်ခေါင်းပဲကွဲကွဲ၊ နှပ်ကြောင်းပဲလွဲလွဲ၊ တည်မြဲတာကတော့ OK ခြင်း ပဲ။ ကိုရီးယားက လာဘ်ထိုးကြမ်းတယ်ဆိုပြီး ရမ်းတုတ်မှန်းအုပ်နေကြတဲ့ ငတ်တာကျအနောက်ကုမ္ပဏီတွေက မြေခွေးဉာဏ်ဗရပွနဲ့ စားတော်ခွက်မြေသက်အောင် အကြံပက်စက်နေကြ တာကို သတိထားရင်း ရိုးသားစွာအပြန်အလှန်လက်ဆောင်ဖလှယ်၊ ယဉ်ကျေးမှုချင်း ဆက်နွယ်ကြပါစို့လို့သာ တိုက်တွန်းလိုက်ချင်တော့တယ်။

(အောင်ဘု)